Një 28-vjeçar shqiptar, i cili qëndronte në një hotel në Rimini, është arrestuar për armëmbajtje pa leje.
Gjatë një kontrolli nga policia, efektivët gjetën në ballkonin e dhomës së tij një pistoletë të kalibrit 9 mm të llojit “Beretta”, gati për përdorim me karikator me 7 fishekë, të fshehur në një qese plastike në ballkonin e dhomës së tij.
I riu pasi hezitoi të hapte derën e dhomës së gjumit, ka dorëzuar edhe 0.36 gram kokainë për përdorim personal. Arma dhe municioni u sekuestruan nga policia. I arrestuari rrezikon të dënohet deri në 6 vjet burg dhe 15 mijë euro gjobë.
