Një 46-vjeçar është proceduar penalisht nga policia e Durrësit, pasi u kap duke shitur lëndë piroteknike. Ai u konstatua nga efektivët e komisariatit nr.1 duke tregtuar mjete piroteknike në mjetin që posedonte, nga ku nisi hetimi në gjendje të lirë dhe materialet iu referuan prokurorisë. Autoritetet sekuestruan një sasi fishekzjarresh dhe kapsolle të llojeve të ndryshme.
Policia apelon të gjithë qytetarët që të shmangin jo vetëm tregtimin, por edhe përdorimin e lëndëve piroteknike dhe fishekzjarrëve pa leje, duke mos rrezikuar jetën dhe sigurinë publike.
