Një muaj ka kaluar nga vrasja e Martin Canit, 14-vjeçarit që u godit me thikë për vdekje nga bashkëmoshatari i tij, në afërsi të shkollës "Fan Noli". Ditën e sotme prindër dhe fëmijë kanë nisur, marshimin nga shkolla "Fan Noli" për te Ministria e Arsimit.
Në 30 ditë janë zhvilluar disa protesta për vrasjen e Martin Canit, ku kanë marrë pjesë prindër, fëmijë, politikanë, personazhe të njohur dhe aktivistë. Në protestat e kaluara, qytetarët kanë kërkuar siguri në shkolla për fëmijët dhe dorëheqjen e ministres së Arsimit, Ogerta Manastirliu.
