Nëntë persona, duke përfshirë shtatë fëmijë, humbën jetën nga një shpërthim bombole gazi në një shtëpi në kryeqytetin e Venezuelës, Karakas, sipas autoriteteve lokale.
“Një zjarr shpërtheu në një shtëpi (dje) pasdite, në të cilin për fat të keq, nëntë bashkatdhetarë tanë humbën jetën”, tha Ministria e Brendshme e vendit në një deklaratë, pa dhënë detaje për viktimat.
Pak para kësaj, kryebashkiaku i Karakasit, Carmen Melendez raportoi tetë vdekje midis moshës 15 dhe 20 vjeç.
Sipas zjarrfikësve, shpërthimi ka ndodhur në katin e parë të një shtëpie në lagjen “Coche”, ku banohet kryesisht nga përfaqësues të klasës punëtore. Shkak i vdekjes së viktimave, të cilët ndodheshin në katin e sipërm, ishte asfiksia.
