Presidenti Donald Trump u emërua Personi i Vitit nga revista Time për herë të dytë.
Trump, i cili më parë u nderua nga Time pas fitores së tij në Shtëpinë e Bardhë në vitin 2016, e quajti fitoren e dytë "një nder të jashtëzakonshëm".
“Time Magazine, duke marrë këtë nder për herë të dytë, mendoj se më pëlqen më shumë këtë herë në fakt,” tha ai përpara se t'i binte ziles në Wall Street.
Kryeredaktori i Time, Sam Jacobs u shpreh se Trump ishte dikush që "për mirë apo për keq, kishte ndikimin më të madh në lajmet në vitin 2024".
“Ky është dikush që bëri një rikthim historik, që riformoi presidencën amerikane dhe që po riorganizon politikën amerikane”, tha Jacobs. “Është personi më me ndikim në lajme.”
Trump është një nga 13 personat, kryesisht presidentë amerikanë, që e fitoi këtë nder dy herë që kur u lançua në vitin 1927. Ish-presidenti Franklin Delano Roosevelt është i vetmi që është shpallur personi i vitit tre herë.
Finalistët e tjerë të vitit 2024 përfshinin miliarderin Elon Musk, Zëvendës Presidentja Kamala Harris, Kryeministrin izraelit Benjamin Netanyahu dhe Princeshën e Britanisë Kate Middleton. Artistja Taylor Swift fitoi vitin e kaluar./Lapsi.al
