Mbrëmjen e 8 tetorit u mbajt nata finale e “Kënga Magjike”, ku fituese u shpall dueti “Akoma” nga Rozana Radi dhe Sany Dimitri.
Përmes rrjetit social, Instagram, Rozana reagoi ndaj fitores duke shkruar: "Përshëndetje yjet e mi! më lejoni të shkruaj “Akoma” disa fjalë për këtë rrugetim magjik.
Kjo këngë erdhi në një periudhe jo shumë të mirë të jetes time dhe falë saj dhe bashkëpunetorëve të mi sot jemi me një triumf në dorë. Jam shumë e bindur kur them qe ne kemi ndarë atë skenë me më të mirët. Më lejoni t’ju them se cfarë do të thotë për mua të fitosh Këngën Magjike, do të thotë të jetosh gjatë me muzikën tënde, të punosh fort e te jepesh më shumë se kushdo. Të fitosh sigurisht është për të gjithë ne shumë e rëndësishme, por kjo ndodh rrallë…
Mund te jesh me fat një herë nëse ndodh, por kur ndodh për herë të dytë atëherë kjo vjen si fryt i një pune në grup ku të gjithë kontribuojnë si trajner.
Kjo këngë më ka mësuar qe nuk ka kufi që e ndalon një artist të bëj atë di të bëj më mirë: Të jap një mesazh dashurie dhe paqeje. Kemi mësuar te fluturojmë si zogjtë, të notojmë si peshqit, duhet vetëm të mësojnë thjeshtësinë për të bashkëjetuar me të gjithë njerëzit e botës. Unë do vazhdoj të kendoj e të ëercjell mesazhe sa te kem jetë", u shpreh ndër të tjera artistja.
