Jay-Z dhe Sean “Diddy” Combs janë akuzuar për abuzim seksual me një vajzë 13-vjeçare gjatë një feste në vitin 2000.
Në padi pretendohet se Jay Z, si dhe Combs, përdhunuan vajzën në një “after-party” pas “MTV Video Music Awards” në shtator të vitit 2000.
“Një tjetër person i famshëm qëndroi dhe pa ndërsa Combs dhe Carter abuzuan me të miturën. Shumë të tjerë ishin të pranishëm, por nuk bënë asgjë për të ndaluar sulmin,” thuhet në padi.
Jay-Z mohoi akuzat në rrjetet sociale, duke e quajtur atë pjesë të një “përpjekje shantazhi” nga avokati i paditëses.
“ Avokati im u shantazhua, nga një ‘avokat’ me emrin Tony Buzbee. Ajo që ai kishte llogaritur ishte se natyra e këtyre akuzave dhe shqyrtimi publik do të më bënte të doja të zgjidhja. Jo zotëri, ka pasur efektin e kundërt! Më bëri të dua t'ju zbuloj ju për mashtruesin që jeni,” deklaroi ai.
Në një email për Reuters, Buzbee tha se padia e Jay-Z “flet vetë”.
“Kjo është një çështje shumë serioze që do të zgjidhet në gjykatë,” shkroi Buzbee.
