Beyonce është emëruar ylli më i madh i popit të shekullit të 21-të nga Billboard.
“Beyoncé kryeson listën tonë editoriale të zgjedhur nga stafi bazuar në 25 vitet e plota të ndikimit, evolucionit të saj”, shkroi Andrew Unterberger i Billboard.
Beyoncé është artistja më fituese e Grammy, me një rekord 32 fitore dhe – pasi fitoi 11 nominime të tjera për albumin e saj të vitit 2024 “Cowboy Carter” – pritet të marrë më shumë trofe në janar.
Që nga gushti, Billboard ka renditur zgjedhjet e stafit të tyre për 25 artistët më të mirë të popit të 25 viteve të fundit. Javën e kaluar, Taylor Swift u shpall si zgjedhja nr. 2 e Billboard, me Rihanna që pretendoi vendin e tretë. Adele, Ariana Grande, Justin Bieber, Kanye West, Britney Spears, Lady Gaga dhe Drake e përfundojnë top 10-shen. Në vendin e 25-të është Katy Perry, me artistë të tjerë pop duke përfshirë Bad Bunny, The Weeknd, One Direction, Miley Cyrus, Eminem, Usher dhe të tjerë që renditen në mes.
