Kukësi vazhdon të jetë i përfshirë nga reshje shiu me intensitet mesatar dhe reshje bore në lartësi. Si pasojë e këtyre kushteve të motit të gjitha akset nacionale rrugore vazhdojnë të jenë nën trysninë e rënies së gurëve, inerteve dhe borës. Kjo ka krijuar vështirësi në qarkullimin normal të mjeteve në disa segmente rrugore.
Aktualisht të gjitha akset rrugore nacionale janë të qarkullueshme normalisht. Nga bashkia Kukës, Tropojë dhe Has nuk ka raportime për ndonjë problematikë emergjente. I gjithë qarku i Kukësit furnizohet normalisht me energji elektrike.
