Një aksident ka ndodhur mbrëmjen e kësaj të shtune në segmentin Morinë-Kukës. Aksidenti është shënuar rreth orës 20:20 minuta në vendin e quajtur “Ish-Uzina e Bakrit” afër urës mbi lumin “Luma”.
Sipas burimeve policore bëhet fjalë për një automjet pa targa ngjyrë blu që ka dalë nga rruga për shkak të motit të keq dhe në momentin e përplasjes janë hapur dy airbegët e mjetit. Po ashtu janë çarë dy gomat e para dhe ka dëme materiale para automjetit.
Deri më tani nuk dihet a ka të plagosur. Policia rrugore po pret grupin hetimor për të përcaktuar shkaqet e aksidentit si dhe për të bërë të mundur edhe identifikimin e drejtuesit të saj.
