Një shqiptar është plagosur në Castelldefels të Barcelonës. Shqiptari i plagosur mësohet se është gjetur nga një kalimatr i cili po ecte përgjatë shëtitores. Ai e gjeti shqiptarin në tokë ndërsa ishte i plagosur rëndë dhe i mbuluar me gjak. Menjëherë i panjohuri ka njoftuar ambulancën dhe shqiptari ka marrë ndihmën mjekësore.
I riu shqiptar ishte qëlluar me një armë zjarri të shkurtër tip pistoletë në këmbë. Ai mori ndihmën e parë në vendngjarje dhe më vonë u transferua me një ambulancë EMS në një spital, ku iu desh t’i nënshtrohej një operacioni. Fatmirësisht ai është jashtë rrezikut për jetën. Kur është marrë në pyetje nga autoritetet, shqiptari nuk ka dashur të bashkëpunojë dhe nuk ka shpjeguar asgjë se kush e qëlloi dhe arsyet se përse ka ndodhur palgosja. Hetuesit po punojnë me hipotezën se mund të bëhet fjalë për një incident që lidhet me një hakmarrje për trafikun e paligjshëm të marijuanës.
