Plehrat e djegura vijojnë të mbeten një problem për qytetin e Vlorës. Prej mbrëmjes së djeshme, fusha e mbetjeve është përfshirë nga flakët. Ato nuk janë shuar as nga reshjet e shiut që përfshinë vendin.
Mbrëmja e së premtes dhe mëngjesi i së shtunës, e ndikuar dhe nga era e fortë ka rindezuar një sipërfaqe të madhe në këtë zonë duke shkaktuar probleme për banorët pasi era e fortë e çonte tymin toksik në drejtim të qytetit. Zjarrfikësit e bashkisë nuk kanë mundur ta shuajnë zjarrin. Ndërkohë që kjo situatë është alarmante pasi asnjë zgjidhje nuk po merret për largimin e këtyre mbetjeve nga kjo zonë.
