Është vënë në pranga autori i plagosjes së djeshme në Qytetin Studenti. Ajdin Ajvazi është konfliktuar me Agron Demiraj pranë një lokali në QS, ku sherri ka agravuar në përdorimin e thikës. Si pasojë ka mbetur i plagosur 20-vjeçari Demiraj, i cili është dërguar në spitalin e Traumës për të marrë ndihmë mjekësore. Ndërkohë është proceduar në gjendje të lirë edhe një 52-vjeçar, nga i cili autori i plagosjes ka blerë thikë.
"Specialistët e Seksionit për Hetimin e Krimeve në Komisariatin e Policisë Nr. 1 arrestuan shtetasin A. A., 19 vjeç, banues në Kamëz, si dhe proceduan në gjendje të lirë shtetasin E. T., 52 vjeç, banues në Tiranë. Shtetasi A. A., ditën e djeshme, në Qytet Studenti, ka goditur me mjet prerës shtetasin A. D., i cili si pasojë është dëmtuar dhe ndodhet në spital, në kujdesin e mjekëve. Nga veprimet hetimore të kryera ka rezultuar se autori i dyshuar e ka blerë mjetin prerës nga shtetasi E. T.", thuhet në njoftimin e policisë.
