Deputeti i Partisë Demokratike, Asllan Dogjani është paraqitur ditën e sotme në Prokurorinë e Posaçme. Kjo është hera e tretë që ai merret në pyetje nga prokurorët e posaçëm.
Më 15 nëntor ishte hera e fundit që Dogjani u paraqit në SPAK, ku tha se kishte shkuar për kallëzimin që ka bërë lidhur me vjedhjen e pronës publike në Tiranë, vjedhje kjo që sipas tij është bërë në bashkëpunim me Kadastrën.
Ai tha se kishte marrë kopjet e aktit me CD, ndërsa dosjen e këtij denoncimi jua ka dërguar edhe ambasadorëve sepse sipas tij shteti shqiptar nuk funksionon. Dogjani akuzon biznesmenin e ndërtimit Ilirjan Çela se ka zaptuar kopshtin publik dhe e ka legalizuar atë për të ndërtuar një tjetër pallat.
