Këtë të mërkurë vendi ynë do të ndikohet nga kushte atmosferike të paqëndrueshme. Moti parashikohet me vranësira e intervale të herëpasherëshme kthjellimesh.
Prezencë të reshjeve të shiut me intensitet të ulët do të ketë në pjesën më të madhe të territorit që në orët e para të 24-orëshit. Në zonën veriperëndimore reshjet pritet të jenë me intensitet deri mesatar.
Nga orët e pasdites deri në mbrëmje në zonën e veriperëndimore, pjesërisht në qendër e pjesërisht në jug reshjet pritet të jenë të rrëmbyeshme. Era parashikohet të fryjë me drejtim juglindje –jugperëndim me shpejtësi mesatare 2-8 m/sek.
