Aktorja dhe deputetja e Kosovës, Adriana Metoshi, nuk nguron asnjëherë të ndajë detaje nga jeta profesionale dhe personale me ndjekësit e saj. Së fundmi ajo ka folur në një intervistë për TAR për lidhjen me futbollistin nga Afrika 19 vite më të ri, Keith Groeneveld, një romancë e cila bëri bujë në rrjet asaj kohe dhe u përfol shumë.
Aktorja ka rrëfyer se dashuria mes tyre ka qenë shumë e madhe megjithëse ajo e dinte se nuk do të zgjaste tër jetën. Teksa Adriana u pyet nga moderatorja se sa zgjati kjo dashuri ajo u përgjigj:
“3 vite. Por asnjëherë nuk kam thënë që ka për të zgjatur tërë jetën. Nuk më ka zgjatur asnjëherë as lidhja ime me ish-bashkëshortin tim që kam 4 fëmijë. Unë e kam menduar se ka për të zgjatur tërë jetën, nuk ka zgjatur.”
Ndër të tjera Metoshi shtoi se “dashuritë e mëdha shkëputen diku” duke nënkuptuar se gjërat e bukura nuk zgjasin.
“Dashuritë e mëdha mendoj se shkëputen diku. Unë e kam përjetuar një dashuri të madhe që nuk jam pishman, sado që krejt bota shqiptare ka fol. Kam dashur të bashkoj botën,” tha ajo “por s’më lanë.”
