Aktorja e njohur Adriana Matoshi ka folur së fundmi për betejën me tumorin në tu.
E ftuar në podcast-in “FLET” nga Ilnisa Agolli, aktorja u shpreh: “Unë sapo i hap sytë në mëngjes ose mesditë, kurdo që zgjohem, jam e lumtur për një ditë më shumë në jetën time”.
Adriana tregoi se, edhe kur mori lajmin për sëmundjen, nuk lejoi që ajo ta mposhte.
“Kur e kuptova çfarë kam dhe çfarë po ndodh me trupin tim, unë qesha. Thashë që kjo është diçka që duhet tejkaluar. Nëse Zoti ka shkruar që unë të jetoj, do të jetoj. Nëse ka thënë që do të më marrë, atëherë ashtu do të ndodhë. Pas operacioneve, unë menjëherë iu riktheva punës dhe nuk jam ndalur asnjë ditë.”
“E gjitha filloi në vitin 2012. Isha shtatzënë kur zbulova tumorin dhe mendova, ‘Si do ta lind vajzën? Si do ta shoh fëmijën tim?’ E humba shikimin - me njërin sy nuk shihja fare, me tjetrin vetëm 30 përqind. Por, sërish, vazhdova përpara.”
