Një aksident ka ndodhur mbrëmjen e djeshme në aksin Tiranë- Fushë-Krujë, afër Larushkut. Një autoveturë ka goditur nga pas një makinë të OSHEE. Për pasojë janë plagosur rëndë dy punonjës të OSHEE-së të cilët po ktheheshin nga riparimi i një difekti.
Dyshohet se shkak për përplasjen është bërë shpejtësia e madhe me të cilën udhëtonte mjeti që goditi makinën e OSHEE-së, por nuk përjashtohet edhe ndonjë gabim njerëzor. Të dy punonjësit janë dërguar me urgjencë te Trauma, ku pritet t'i nënshtrohen ndërhyrjeve.
