Kryeministrja italiane Giorgia Meloni dhe koalicioni i saj i qendrës së djathtë zhgënjeu në zgjedhjet e së dielës për dy rajonet e rëndësishme të Emilia – Romagna dhe Umbrias. Sukses i rëndësishëm për qendrën e majtë që konfirmoi edhe një herë rritjen e saj.
Në Emilia-Romagna fitoi kandidati i qendrës së majtë Michele de Pascale që u rikonfirmua në këtë detyrë ndërsa në Umbria pati një ndryshim të pushtetit lokal pasi fituese u shpall Stefania Proietti duke mposhtur presidenten aktuale të rajonit, Donatella Tesei.
Partia Demokratike në opozitë e drejtuar nga Elly Schlein numëron një mbështetje pothuajse 42% në Emilia Romagna, mbi 31% në Umbria. Ajo që ka pësuar rënien më të madhe është “Lëvizja 5 Yjet” e Matteo Salvinit që ka marrë një rezultat zhgënjyes.
Ajo që ra në sy ishte një numër i madh i abstenuesve pasi në Emilia-Romagna pjesëmarrja ishte vetëm 46.42% ndërsa në Umbria votuan vetëm 52.3%, shifra shumë më të ulëta zgjedhjet e kaluara.
Salvini bëri vetëm një koment konciz: “Votuesit kanë gjithmonë të drejtë”, ndërsa sekretari i Forza Italia, Antonio Tajani në pushtet thotë se partia e tij ka “dyfishuar konsensusin në të dy rajonet”. ©LAPSI.al
