Timothée Chalamet ka folur së fundmi për rolin si këngëtari Bob Dylan.
Aktori i "Dune", i cili luan në filmin e ri biografik "A Complete Unknown", që do të dalë më 25 dhjetor, pranoi se ishte "në panik" për të marrë rolin e këngëtarit ikonik "Like A Rolling Stone".
“Ishte diçka për të cilën do të shkoja të flija me panik”, tha Chalamet për Rolling Stone.
“Kisha vetëm tre muaj të jetës sime për të luajtur Bob Dylan, pas pesë vitesh përgatitjeje për rolin. Pra, të isha në të, ky ishte fokusi im i përjetshëm. Ai e meritonte këtë dhe pastaj më shumë… Kisha tërë kohës frikë se mos ne ndonjë moment do të shpërqëndrohesha nga roli duke qenë thjesht Timmy.”
Filmi, i drejtuar nga James Mangold ("Walk the Line"), zhvillohet në qytetin e Nju Jorkut të viteve 1960, kur Dylan nisi karrierën në Greenwich Viillage.
Chalamet i lindur në Nju Jork, i cili filloi në filma indie si "Call Me By Your Name" dhe "Hot Summer Nights" dhe vazhdoi të drejtonte filma të suksesshëm, sheh ngjashmëri në karrierën e tij dhe të Dylan.
"Nëse ai nuk mund të bëhej Elvis ose Buddy Holly menjëherë, ai gjeti Woody Guthrie dhe gjëra që ishin pak më të arritshme dhe ndodhi që ishte shumë i mirë në këtë," u shpreh Timothee.
“ Unë trokita në një derë që nuk hapej. Kështu që shkova në atë që mendoja se ishte një derë më modeste [me role indie], por në fakt përfundoi duke qenë e suksesshme për mua.”
