Një sherr mes adoleshentëve ka ndodhur pranë shkollës 'Fan Noli' në Tiranë.
Ngjarja e rëndë ndodhi mesditën e sotme.
Një prej tyre raportohet se është plagosur me thikë. Disa minuta më pas u mësua se ai ndërroi jetë në spital.
Tiranë/Informacion paraprak
Më datë 18.11.2024, rreth orës 13:10, në rrugën "Qema Stafa", rreth 200-300 metra larg shkollës "Fan Noli" janë konfliktuar 3 shtetas të moshës 14 vjeç.
Si pasojë e dëmtimeve të marra gjatë konfliktit, ka ndërruar jetë njëri prej tyre ndërsa tjetri ndodhet në spital, në kujdesin e mjekëve.
Është shoqëruar njëri nga autorët e dyshuar, ndërsa grupi hetimor po vijon punën për sqarimin e rrethanave të konfliktit.
