Detaje të reja nga operacioni antidrogë në kryeqytet dhe disa rrethe, që ka sjellë arrestimin e disa personave pas një hetimi disa mujor mes Prokurorisë së Posaçme dhe autoriteteve spanjolle.
Referuar burimeve nga SPAK raportohet se të arrestuar dhe të dyshuar për aktivitetin kriminal janë disa shtetas të huaj, të cilët rezultojnë të ishin ekspertë për përzierjen e kokainës, ndërkohë që ka dyshime se grupi operonte në Shqipëri prej një kohe të gjatë. Po kështu sasia e drogës së sekuestruar nuk është përcaktuar ende, pasi është e papërpunuar.
