Burrë e grua kanë humbur jetën në një aksident tragjik mëngjesin e sotëm në aksin rrugor Tepelenë-Fier. Ngjarja ka ndodhur rreth orës 05:30 të mëngjesit të sotëm (14 nëntor). Dy persona të tjerë kanë mbetur të plagosur. Mësohet se shtetasi S. A., duke drejtuar automjetin tip autobot, ka përplasur automjetin tip “Ford”, me drejtues shtetasin V. A.
[video width="1280" height="720" mp4="https://cdnimpuls.com/lapsi.al/wp-content/uploads/2024/11/bf8ad71a-6f98-4fb3-bdf2-22abda16b27e.mp4"][/video]
[video width="1280" height="720" mp4="https://cdnimpuls.com/lapsi.al/wp-content/uploads/2024/11/cab886bc-03fc-4e50-b20d-eb71e63a00d1.mp4"][/video]
Nga përplasja kanë humbur jetën në vendngjarje drejtuesi i automjetit tip "Ford", Vangjel Ajdini dhe pasagjerja që ndodhej në këtë automjet, Marga Ajdini, bashkëshortja e tij. Drejtuesi i automjetit tip autobot, shtetasi S. A., dhe pasagjerja që ndodhej në këtë automjet, shtetasja A. A., ndodhen në spital për ndihmë mjeksore, jashtë rrezikut për jetën.
