43-vjeçari Edison Sheme nga fshati Sheqeras është shpallur në kërkim ndërkombëtar nga Prokuroria e Korçës.
Burime nga policia bëjnë të ditur se Sheme dyshohet se i është drejtuar shtetit grek, aty ku prej vitesh jeton edhe vëllai i tij. Gjatë këtyre ditëve, kontrolle të shumta nga policia janë bërë në banesat e të afërmve, miqve e të njohurve të tij.
Pas informacioneve të grumbulluar nga policia, Prokuroria e Korçës nxorri urdhrin e kërkimit ndërkombëtar për Edison Sheme, urdhër i cili ju përcoll Interpol Tiranës për të vijuar procedurat e kërkimit ndërkombëtar, si edhe po komunikohet me homologët për të arritur në arrestimin e 43-vjeçarit.
Ngjarja e rëndë u rregjistrua rreth 1 javë më parë në fshatin Sheqeras të Maliqit, pasi e mitura 16-vjeçare denoncoi në polici abuzimin që 43 vjeçari bëri me të që në moshën 12-vjeçare.
