Ish bashkëshorti i Drenusha Latifi Atilla Kardesh është larguar nga reality show,“BBVK”.
Duke iu drejtuar banorëve, Atilla ka treguar se fëmijët e tij dhe të artistes janë arsyeja e largimit.
“Unë kam qenë këtu për t’i treguar edhe Drenushës që i kemi dy fëmijë si drita, që janë përgjegjësi edhe e imja edhe e jotja, dhe nuk ia vlen asgjë përpos atyre fëmijëve”, tha ai.
“Unë uroj që konflikti, urrejtja të futen në dhé e të shohim përpara për ato dy fëmijë”, shtoi ai.
Më herët, ministria e Drejtësisë së Kosovës kërkoi largimin e menjëhershëm të Atillës nga “Big Brother VIP Kosova”, pasi prezenca e tij përbën dhunë psikologjike për Drenushëm, si dhe shkakton pasoja psikologjike te fëmijët e tyre.
Situata me të cilin potencialisht do të përballet znj. Latifi, në praninë e ish-bashkëshortit “dhunues” paraqet rast të veçantë dhe në emër të prioritizimit të mbrojtjes së dinjitetit të një të mbijetuare të dhunës në familje – viktimë, e cila është shprehur publikisht për kërcënimet nga ish-bashkëshorti, tashmë të provuara, bëjmë thirrje menaxhmentit të Klan Kosova të tërheqë z. Atilla Kardesh nga formati televiziv, për të parandaluar çfarëdo lloj forme të presionit, ose dhunës psikologjike, që rëndon pozicionin dhe krijon kushte për ripërjetimin e dhunës nga e mbijetuara znj. Latifi”, thuhej ndër të tjera në reagimin zyrtar.
