Lady Gaga thuhet se është e turpëruar për aktrimin e saj në filmin ‘Joker: Folie à Deux’.
Sipas “Life and Style”, Gaga është acaruar pasi vazhdimi i filmit “Joker”, për të cilin buxheti i shpenzuar ishte i madh, nuk fitoi shumën e parashikuar dhe u etiketua nga publiku si një “film i dështuar”.
"Ajo jo vetëm që ishte e inatosur, e turpëruar dhe e tronditur për mënyrën sesi shumica e skenave të saj ishin prerë, por edhe e zemëruar për mënyrën se si u prezantuan këngët në film”, u shpreh burimi.
“Kishte gjithë ato kalime të sikletshme nga dhuna dhe frika në këngë optimiste dhe jazz. Kjo e bëri atë të mendonte se doli budallaqe dhe e paaftë në rolin e Harley Quinn”.
Gjithashtu, raportoi se këngëtarja po planifikon të marrë një pushim nga karriera e saj si aktore për t'u fokusuar më shumë në muzikën e saj.
Burimi vijoi,“Ishte një shkundje për të cilën ajo kishte nevojë. Një mesazh mjaft i qartë se ajo është një këngëtare dhe kompozitore së pari dhe më pas, aktore. Ajo u duk totalisht si një amatore".
