Channing Tatum ka publikuar foton e tij të parë në mediat sociale që kur u publikuan lajmet për ndarjen e tij nga Zoe Kravitz.
Aktori,la të kuptohej se fotoja dhe vendi ku ndodhej ishin pjesë e xhirimeve për filmin e tij të ardhshëm "Roofman".
“Sapo dola nga burgu dhe u futa në Toys R Us… si ishte dita jote. Hehe #ROOFMAN i pisët dhe i lodhur, por ende një fëmijë i Toys R Us,” shkroi Tatum në postimin të mërkurën.
Një ditë para postimit të tij, u publikua lajmi se Tatum dhe Kravitz, 35 vjeç, janë ndarë pas tre vitesh së bashku.
Çifti i dha fund pak më shumë se një vit pasi u fejuan, konfirmuan disa burime për People të martën. Sa i përket arsyes së ndarjes, një burim i tha gazetës, "Ata nuk kanë qenë në të njëjtën faqe dhe janë ndarë".
Tatum dhe aktorja, 35 vjeç, filluan të takoheshin ndërsa punonin për debutimin e saj regjisorial, "Blink Twice".
“Arti është gjuha jonë e dashurisë”, tha aktorja e “Big Little Lies” për People në premierën e filmit në gusht. "Unë mendoj se është ajo që duam, dhe na pëlqen të flasim për të, ta përjetojmë dhe të mbështesim njëri-tjetrin."/Lapsi.al
