Shawn Mendes e konsideron Camila Cabello një nga "mikeshat e tij më të ngushta".
Krijuesi i hitit të "Stitches" ishte në lidhje me ish-anëtoren e Fifth Harmony për dy vjet deri në nëntor 2021, dhe ai tha në një intervistë të botuar të enjten se frustrohet nga spekulimet se ata janë "kundër njëri-tjetrit në një mënyrë të çuditshme" sepse ajo mbetet një person te i cili mund të besojë.
Duke e përshkruar atë si “një nga mikeshat e tij më të ngushta”, ai tha: “Kam emocione edhe thjesht duke folur për këtë, për atë çfarë do të thonë njerëzit. Por, për të qenë i sinqertë, nëse do të ndodhte diçka në familjen time apo me mua, ajo do të ishte ndoshta personi i parë që do të telefonoja edhe sot.”
"Marrëdhënia jonë po më mëson se çfarë do të thotë dashuri, në një mënyrë të madhe."
Në vitin 2022, Mendes anuloi papritur një turne dyvjeçar ndërkombëtar me më shumë se 80 koncerte për shkak të problemeve me shëndetin mendor.
26-vjeçari filloi të konsumonte cigare dhe alkool para shfaqjeve, ndonëse gjithmonë ishte përpjekur t’i shmangte ato për të mbrojtur zërin, dhe pas çdo shfaqjeje, një pije ishte si një “nevojë për arratisje”. Ai vendosi t’i jepte fund turneut përpara se të binte në rrugën e gabuar.
“Mendova: Nuk do të përsëris të njëjtën histori që është shkruar mijëra herë nga muzikantë dhe artistë të tjerë, ku ata nuk mund të përballojnë situatën dhe fillojnë të marrin më shumë drogë, më shumë alkool, derisa bëhet shumë vonë. Nuk do ta bëj këtë. Po shkoj në drejtimin tjetër", shtoi Shawn.
