Lidhur me nisjen e hetimit ndaj deputetëve të opozitës Flamur Noka, Albana Vokshi, Xhelal Mziu dhe Asllan Dogjani, policia ka dalë me një deklaratë zyrtare. Në njoftim thuhet se janë referuar materialet në Prokurorinë e Posaçme Kundër Korrupsionit dhe Krimit të Organizuar, në gjendje të lirë, për Deputetët e Kuvendit të Shqipërisë, për veprat penale "Pengimi i qarkullimit të mjeteve të transportit", "Prishja e qetësisë publike" dhe "Kundërshtimi i punonjësit të policisë së rendit publik".
Po ashtu policia shton se se janë proceduar 33 protestues për veprat penale "Pengimi i qarkullimit të mjeteve të transportit" dhe "Prishja e qetësisë publike".
Gjithashtu bëhet me dije se po punohet për kapjen e 2 personave të tjerë teksa janë shpallur në kërkim 3 automjete, sipas policisë.
Ndërkohë, në cilësinë e provës materiale janë sekuestruar 2 automjete të cilat janë përdorur për bllokimin e rrugës, ditën e djeshme.
