Francesca Albanese, raportuesja speciale e OKB -së, akuzoi Izraelin se synon të eliminojë palestinezët nga toka e tyre nëpërmjet gjenocidit. Sipas ekspertes gjenocidi i popullatës palestineze shfaqet si një mjet për një qëllim, dëbimi ose eliminimi i plotë i palestinezëve nga toka me të cilat lidhet një pjesë e rëndësishme e identitetit të tyre dhe të cilat Izraeli i shkel në mënyrë të paligjshme dhe haptazi.
Delegacioni i Izraelit në selinë e OKB-së në Gjenevë nuk iu përgjigj menjëherë akuzave të reja të Albanese, e cila është raportuese special për situatën e të drejtave të njeriut në territoret palestineze të pushtuara që nga viti 1967.
“Gjenocidi në Gaza është historia e një tragjedie të paralajmëruar, e cila rrezikon të përhapet edhe te palestinezët e tjerë që janë vendosur nën sundimin izraelit”, tha Albanese, e cila vlerëson se vazhdimi i qëllimit të një “Izraeli të Madh” kërcënon të eliminojë popullsia autoktone palestineze.
"Fjalët dhe veprimet e udhëheqësve izraelitë përkthejnë një qëllim dhe një udhëzim që është gjenocid; ata shpesh kanë thirrur narrativën biblike të Amalekit për të justifikuar shfarosjen e popullit të Gazës duke fshirë Gazën dhe duke zhvendosur me forcë palestinezët, kështu duke i bërë palestinezët në tërësi objektiva legjitime”, nënvizon gjyqtarja italiane në përfundimet e raportit të saj.
