Gisele Bündchen thuhet se është në pritje të fëmijës së saj të tretë, i pari me të dashurin e saj instruktor jujitsu, Joaquim Valente.
Lajmi vjen saktësisht dy vjet pasi ish-modelja e Victoria's Secret dhe ish-super ylli i NFL, Tom Brady, finalizuan divorcin e tyre.
“Gisele dhe Joaquim janë të lumtur për këtë kapitull të ri në jetën e tyre dhe mezi presin të krijojnë një mjedis të qetë dhe të dashur për të gjithë familjen,” tha burimi për People.
Bündchen ka dy fëmijë me Brady: djalin Benjamin Rein, 14 vjeç dhe vajzën Vivian Lake, 11.
Brady është gjithashtu baba i djalit John "Jack" Edward Thomas, 17 vjeç, të cilin e ndan me ish të dashurën e tij, aktoren Bridget Moynahan.
Bündchen dhe Brady konfirmuan dhe finalizuan divorcin e tyre më 28 tetor 2022, pas trembëdhjetë vitesh martesë. Ata ranë dakord për kujdestarinë e përbashkët të fëmijëve të tyre.
Modelja thuhet se u takua për herë të parë me Valente pasi Benjamin filloi të merrte mësime jujitsu me të në akademinë e tij. Bündchen shpejt ndoqi gjurmët e djalit të saj.
“Fillimisht, as që e mendoja për veten time”, tha ajo për Dust Magazine në vitin 2022 për fillimin e studimit të jujitsu. “Por kur solla [djalin tim] në klasën e parë dhe fillova të flisja me Joaquim, kuptova se ishte shumë më tepër se vetëmbrojtje.”
Thashethemet filluan të vërtiteshin se dyshja ishin në lidhje në nëntor 2022 pasi vizituan Provincia de Puntarenas në Kosta Rika me dy fëmijët e saj./Lapsi.al
