SPAK ka kërkuar 1 vit e 6 muaj burg për ish -nën kryetarin e bashkisë Kukës Granit Gjana, për “shkelje të barazisë në tendera” në dy raste.
Granit Gjana është vendosur nën hetim për shkelje të barazisë për dy tendera me vlerë 210 mln lekë të vjetra për naftën. Ish-zyrtari dyshohet se nuk ka pajisur në kohën e duhur me Autorizimin për tregtimin e lëndëve djegëse një subjekt privat, i cili kishte kryer pagesat e nevojshme dhe dorëzuar dokumentacionin pranë organit shtetëror sipas ligjit.
Ai e ka penguar subjektin të kualifikohet në dy procedurat e tenderit me objekt “Blerje karburanti”, në vlerën 21.000.000 lekëve, të organizuara nga Autoriteti Kontraktor bashkia Kukës përgjatë vitit 2023.
Për pasojë Granit Gjana akuzohet se ka dëmtuar interesat e ligjshëm të personit juridik “U. C.” Shpk, duke e penguar këtë subjekt për t’u kualifikuar në procedurën e prokurimit të mësipërm. Për shkak të gjykimit të shkurtuar, Gjana përfiton ulje të dënimit në 1 vit. SPAK kërkoi konvertimin e dënimit me 2 vite shërbim prove. Në seancën e ardhme, gjykata pritet të shpallë vendimin për Gjanën.
