Loredana ka vendosur të suprizojë fansat me një libër autobiografik. Përmes një postimi në Instagram, artistja bëri me dije se do të rrëfejë historinë e saj në një libër që do të publikohet më 18 nëntor. Libri mban titullin “When My Heart Broke”.
“Sigurisht, të gjithë mund ta cilësojnë historinë e tyre si më të trishtën, dramatiken dhe më lënduesen. Për mua, historia ime është gjithashtu më e trishta, sepse është e imja, më kuptoni? E kam ndjerë, përjetuar, jetuar atë”, u shpreh Loredana në postimin e saj.
Artistja vijoi, “Kështu që, dua t’ju mirëpres në historinë time, të cilën e kam shkruar. Edhe pse është lënduese ndonjëherë që t’u rikthehem plagëve të vjetra dhe t’i përjetoj sërish ato. Këtu po ndaj përvoja nga jeta ime private, të cilat as në ëndrra nuk t’i bëja publike më parë. Libri im “Als mein herz brach” (Kur zemra ime u thye) del më 18 nëntor dhe është i disponueshëm kudo”.
