James Franco ka folur së fundmi për raportin me Seth Rogen pasi aktori u godit me akuza për sjellje të pahijshme seksuale në vitin 2018.
“Nuk kam folur me Sethin. Unë e dua Sethin, kemi kaluar 20 vite të shkëlqyera së bashku, por mendoj se miqësia jonë ka mbaruar”, tha Franco për Variety për marrëdhënien e tij me Rogen ndërsa promovonte filmin e tij të ri “Hey Joe”. “Dhe jo se nuk kam tentuar të rregullojë marrëdhënien me të. Unë i kam thënë atij se sa shumë e vlerësoj.”
Rogen, i cili më parë ka punuar me Francon në "Freaks and Geeks" të vitit 1999, si dhe në disa filma duke përfshirë "The Interview" dhe "Pineapple Express", u distancua publikisht nga James profesionalisht pasi aktori u godit me akuzat.
Në një intervistë të vitit 2021 me Sunday Times – e cila u zhvillua disa muaj pasi Franco zgjidhi padinë e tij për sjellje të pahijshme – aktori i “Knocked Up” zbuloi se nuk kishte në plan të vazhdonte më të punonte me të.
"Ajo që mund të them është se unë e përbuz abuzimin dhe ngacmimin dhe nuk do t'i mbuloja apo fshehja kurrë veprimet e dikujt që e bën atë ," u shpreh Seth.
Franko u akuzua pasi disa ish-studente të tij për aktrim dolën duke pretenduar se aktori i "Spring Breakers" i "shfrytëzoi seksualisht" ato duke përdorur shkollën e tij të filmit.
Karriera e aktrimit të fituesit të Oskarit shkoi në një ndërprerje 4-vjeçare, përpara se të kthehej në dramën e Bille August të vitit 2022 "Me, You".
