Babai i Liam Payne, Geoff Payne, po bashkëpunon me autoritetet argjentinase teksa së bashku janë duke hetuar për vdekjen e papritur të artistit.
Kjo është konfirmuar nga një Prokurori Kombëtare Kriminale në një deklaratë për shtyp të përkthyer nga spanjishtja.
Të premten, më 18 tetor, babai i të ndjerit mbërriti në hotelin argjentinas ku Liam ndërroi jetë më16 tetor.
Të hënën, më 21 tetor, një autopsi e pjesshme zbuloi se Liam ” kishte substanca të shumta në trupin e tij ,” sipas një burimi të ABC News . Një nga substancat e gjetura në trupin e Payne ishte “kokaina rozë”, një drogë rekreative që në përgjithësi përfshin një kombinim të metamfetaminës, ketaminës, MDMA.
Megjithatë, studimet toksikologjike dhe histopatologjike të nevojshme për raportin e autopsisë së tij nuk kanë përfunduar. Si rezultat, Geoff po punon me autoritetet argjentinase.
Ai “shprehu dëshirën për hetim dhe njohuri për atë që ndodhi dhe i shprehu prokurorit gatishmërinë për të dëshmuar për gjithçka që di për jetën e djalit të tij, gjë që mund të ndihmojë hetimin”, thuhet në njoftimin e prokurorisë.
