Së fundmi janë ngritur gjashtë padi të reja civile kundër Sean “Diddy” Combs, duke përfshirë akuzues të cilët kanë deklaruar se ata ishin të mitur në kohën kur u sulmuan nga artisti.
Për herë të parë në procesin gjyqësor në rritje kundër Combs, personazhe të tjerë të famshëm citohen dhe akuzohen për pjesëmarrje në një sulm të supozuar në një pretendim, megjithëse ata nuk janë identifikuar me emër.
Në një padi të ngritur nga një Jane Doe, ajo deklaron se ishte 13 vjeç në vitin 2000, kur u ftua nga një shofer limuzine për të marrë pjesë në një festë të MTV Video Music Awards të organizuar nga Combs në New York City. Pasi konsumoi një pije dhe ishte duke pushuar në dhomë, ajo pretendon se dy të famshëm, hynë në dhomën e gjumit ku ajo po pushonte.
Paditë, pesë prej të cilave u ngritën në gjykatën federale në Nju Jork dhe një në Gjykatën e Lartë të Nju Jorkut të dielën, përfshijnë akuza për përdhunim, sulm seksual, ngacmim seksual nga Combs midis 2000 dhe 2022 në Nju Jork, Los Angeles ose Las Vegas.
Diddy u arrestua në një hotel në Manhattan më 16 shtator. Ai aktualisht po mbahet në Qendrën e Paraburgimit Metropolitan të Bruklinit pasi iu refuzua dy herë lirimi me kusht.
