Këngëtarja “Toxic” bëri shaka duke thënë se u martua sërish – këtë herë me veten – në një postim në Instagram që ndau të dielën.
“Dita kur u martova me veten… Mund të duket e turpshme apo marrëzi, por mendoj se është gjëja më brilante që kam bërë ndonjëherë!!!” ka shkruar këngëtarja 42-vjeçare në mbishkrimin e saj.
Në video, Spears pozon para kamerës teksa ka veshur një fustan të bardhë dhe një vello për t'u dukur si nuse.
Fituesja e çmimit Grammy është martuar tre herë. Martesa e saj e parë, e cila ishte me mikun e fëmijërisë Jason Alexander, u anulua pas vetëm 55 orësh. Më pas ajo u martua me Kevin Federline nga viti 2004 deri në vitin 2007. Ish-ët kanë djemtë Sean Preston, 19 vjeç dhe Jayden James, 18, të cilët jetojnë në Hawaii me babanë e tyre.
Në qershor 2022, Spears u martua me trajnerin e fitnesit Sam Asghari, 30 vjeç, pas gjashtë vitesh lidhje. Ata u martuan në shtëpinë e tyre në Thousand Oaks, me të ftuar të njohur, duke përfshirë Madonna, Paris Hilton, Selena Gomez, Drew Barrymore dhe Donatella Versace.
Artistja më vonë u nda nga Asghari në 2023 dhe ata finalizuan divorcin e tyre në maj.
“Siç e dinë të gjithë, unë dhe Hesami nuk jemi më bashkë… 6 vjet janë një kohë e gjatë për të qenë me dikë, kështu që jam pak e tronditur”, shkroi ajo në Instagram në gusht të 2023-ës, pasi u publikua lajmi për ndarjen e çiftit.
“Nuk jam këtu për të shpjeguar pse, sepse sinqerisht nuk është punë e askujt!!! Por, sinqerisht nuk e duroja dot më dhimbjen!!!” u shpreh Britney.
Që nga viti i kaluar, këngëtarrja ka qenë në një lidhje me ish-punonjësin e saj, Paul Richard Soliz./Lapsi.al
