Së fundmi janë publikuar mesazhet e fundit që Liam Payne ka shkëmbyer me miken e tij të ngushtë disa orë para vdekjes së tij.
Jodie Richards i jepte mësim ish- anëtarit të “One Direction” në kompaninë e saj të arteve interpretuese në Wolverhampton.
Payne i kishte dërguar mesazh Jodie të hënën për ta pyetur atë se çfarë po bënte, shkruan SkyNews.
Ajo u përgjigj duke thënë se ishte me djalin e saj, Jackson, në një palestër, dhe ai u përgjigj “mirë”.
Artisti më vonë i dërgoi asaj një foto të tij të ulur në s në dhomën e tij të hotelit në kryeqytetin argjentinas, Buenos Aires.
Pasi ajo mori lajmin për vdekjen e Payne, i dërgoi atij mesazh.
“Të lutem më thuaj që kjo nuk është e vërtetë dhe kur të zgjohem, jam i sigurt se gjithçka do të jetë një ëndërr”.
Të mërkurën, kantautori ra nga kati i tretë i dhomës së tij të hotelit në Hotel CasaSur Palermo në Buenos Aires, Argjentinë, sipas zyrtarëve lokalë, sipas Associated Press.
Policia e Buenos Aires tha në një deklaratë se rënia e Payne rezultoi në “lëndime jashtëzakonisht të rënda”, me mjekët që konfirmuan vdekjen e tij në vend.
Pablo Policicchio, zëdhënësi i Ministrisë së Sigurisë së bashkisë së Buenos Aires, tha për median se muzikanti “ishte hedhur nga ballkoni i dhomës së tij”.
Policicchio shtoi se policët u dërguan në hotel në përgjigje të një thirrjeje urgjente për një “burrë agresiv që mund të ishte nën ndikimin e drogës ose alkoolit”.
Sipas Policicchio, oficerët që u përgjigjën dëgjuan një zhurmë dhe gjetën trupin e Payne në oborrin e hotelit.
Alberto Crescenti, kreu i sistemit mjekësor të urgjencës shtetërore, shpjegoi në kanalin televiziv Argjentinas Todo Noticias se Payne ra 13 ose 14 metra dhe “pësoi lëndime të rënda që provokuan vdekjen e tij të menjëhershme”.
“Ne arritëm në kohë për ta provuar dhe ringjallur atë, por nuk mund të bënim asgjë,” tha Crescenti, duke shtuar se autoritetet po hetojnë rrethanat rreth vdekjes së artistit dhe se po kryhet një autopsi.
