Organizata Botërore e Shëndetësisë (OBSH) ka bërë me dije se Izraeli ka ndaluar hyrjen e mjekëve të kualifikuar që dëshirojnë të ofrojnë shërbimet e tyre në spitalet në Rripin e Gazës. Që nga gushti, kërkesat nga tetë organizata me më shumë se 50 specialistë mjekësorë janë refuzuar për shkak të bllokadës së Izraelit ndaj enklavës palestineze, tha OBSH të enjten.
Ekspertët synonin të ofronin shërbime mjekësore si dhe mbështetje psikologjike për punonjësit e shëndetësisë që luftojnë për të përballuar nevojat në rritje të parë në disa spitale që ende funksionojnë në Rripin e Gazës.
CNN raportoi se në mesin e organizatave që iu mohua hyrja në Rripin e Gazës ishte edhe PANA (Shoqata Mjekësore Palestineze Amerikane), e cila ofron shërbime mjekësore për palestinezët në nevojë. Sipas Organizatës Botërore të Shëndetësisë, kjo është hera e parë që Izraeli refuzon organizatat të marrin pjesë në një fushatë ndihme për popullsinë e Rripit të Gazës. OBSH-ja i bëri thirrje qeverisë izraelite që të lejojë grupet e ndihmës qasje të papenguar në enklavën palestineze.
