Andrew Garfield është përballur me kritika pasi mbështeti publikisht, Mel Gibson.
Në një intervistë të fundit me People, Garfield, i cili luajti në filmin e vitit 2016 me regji të Gibson "Hacksaw Ridge", tha për punën me aktorin, "Në fakt, mësova shumë. Mësova se njerëzit mund të shërohen. Mësova se njerëzit mund të ndryshojnë, se njerëzit mund të marrin ndihmë. Mësova se të gjithë meritojnë respekt.”
"Hacksaw Ridge" është një dramë e Luftës së Dytë Botërore që fitoi një mori nominimesh për Oscar, duke përfshirë një nominim për aktorin më të mirë për Garfield.
Në vazhdim, aktori i "Under The Baner of Heaven" tha se kishte mësuar duke punuar me Gibson "që njerëzit meritojnë shanse të dyta, shanse të treta, shanse të katërta. Se askush nga ne nuk është i pagabueshëm.”
"Jo jo jo jo Andrew," tha një fans në X, dikur Twitter.
Një tjetër kritik shkroi, "Unë e dua Andrew - por jo për Gibson. Dhe unë jam i trishtuar që Andrew po e justifikon.”
Aktori i "Amazing Spider-Man", i cili është hebre, tha se kishte patur "biseda të thella dhe të rëndësishme" me Mel, i cili bëri komente antisemitike në vitin 2006 kur u arrestua për drejtim të automjetit në gjendje të dehur.
Garfield vazhdoi, “Ai ka bërë shumë shërime të bukura me veten… ai është një regjisor i mrekullueshëm dhe mendoj se ai meriton të bëjë filma. Ai meriton të tregojë histori, sepse ka një zemër shumë, shumë të madhe, të dhembshur.”
Pas arrestimit të aktorit të "Braveheart" në vitin 2006, ai kërkoi falje publike duke thënë: "Dua t'u kërkoj falje të gjithëve në komunitetin hebre për fjalët e ashpra dhe të dëmshme që i thashë një oficeri të zbatimit të ligjit natën që u arrestiva për drejtim të automjetit në gjendje të dehur.”
