Nicole Kidman dhe Salma Hayek me sa duket ndanë një moment të tensionuar në shfaqjen Balenciaga gjatë Javës së Modës në Paris më 30 shtator.
Një video e aktorëve u shfaq në internet gjatë fundjavës dhe duket se tregon Nicole duke i larguar dorën kësaj të fundit kur ato shkuan për të pozuar për foto me Katy Perry.
Pasi një fotograf kërkoi “një foto më shumë”, Hayek tentoi të kthente Kidman-in – e cila e kishte shpinën përballë kameramanit – drejt dritave vezulluese.
Dhe pikërisht në atë moment aktorja kapi dorën e Hayek dhe e largoi atë.
Më pas ajo i dha një puthje Perry-t dhe shkëmbeu disa fjalë me aktoren e “Frida” përpara se të largohej. Nuk është e qartë se çfarë i thanë njëra-tjetrës, por pasi Kidman u largua, Hayek tha: “Po të lutem. Këshilla.”
Dikush - me sa duket Kidman - më pas tha: "Nuk të duhet", të cilës Hayek iu përgjigj: "Kam nevojë".
Kjo ishte hera e parë që Nicole ishte parë në publik që nga vdekja e nënës së saj në fillim të shtatorit. Aktorja e filmit “Cold Mountain” njoftoi vdekjen e nënës së saj, Janelle Anne Kidman, vetëm disa orë para se të shpallej aktorja më e mirë në Festivalin e Filmit në Venecia për rolin e saj në “Babygirl”.
Si një nderim për nënën e saj, Nicole shkoi në Instagram për të ndarë fotot dhe mesazhin e mëposhtëm: "Unë dhe motra ime së bashku me familjen tonë duam t'ju falënderojmë për dashurinë dhe mirësinë që kemi ndjerë këtë javë."
“Çdo mesazh që kemi marrë nga ata që e donin dhe e admironin nënën tonë, për ne do të thotë më shumë sesa do të mund ta shprehim ndonjëherë. Faleminderit nga e gjithë familja jonë për respektimin e privatësisë sonë teksa kujdesemi për njëri-tjetrin.”
