Lupita Nyong'o me sa duket ka konfirmuar ndarjen e saj nga Joshua Jackson, më pak se një vit pasi u përfol për herë të parë se ishin në lidhje.
Në një intervistë të re me Harper's Bazaar U.K., Nyong'o foli për përkushtimin e saj ndaj maces së saj Yoyo dhe se si adoptimi i tij ka ndikuar në këndvështrimin e saj për dashurinë.
“Dashuria ime për macen time është e veçantë”, tha aktorja e “Black Panther”. "Nëse do të jem ndonjëherë kaq me fat që do të jem përsëri në një lidhje romantike, kjo do të jetë për shkak të tij. Unë isha gati ta mbyllja atë derë. Ai ka siguruar që zemra ime të mbetet e hapur."
Nyong'o adoptoi Yoyo-n, shkroi gazetari, "pas një ndarjeje veçanërisht tronditëse", që ka të ngjarë t'i referohet ndarjes së aktores nga Selema Masekela.
Në tetor 2023, aktorja ndau lajmin e ndarjes së tyre në Instagram me një mesazh zemërthyes, duke përfshirë fjalët: "E gjej veten zemërthyerj për shkak të një dashurie të shuar papritur".
Sa i përket Nyong'o dhe Jackson, ata fillimisht u përfolën se u takuan menjëherë pas ndarjes së saj nga Masekala, dhe pasi gruaja e alumit të Dawson's Creek, Jodie Turner-Smith bëri kërkesë për divorc nga ai po atë muaj.
Ata me sa duket konfirmuan lidhjen e tyre kur u fotografuan të kapur për dore në Joshua Tree rreth dhjetorit 2023.
Qershorin e kaluar, Turner-Smith komentoi lidhjen e tij të re, duke thënë për The Cut, "Më bëhet qejfi për ta. Ne kemi nevojë për lumturi në mënyrë që të bashkohemi në mënyrë paqësore. Unë po përpiqem të na çoj në nivelin e Gwyneth dhe Chris Martin. Unë me të vërtetë shpresoj se ata janë të lumtur dhe se kjo do të na sjellë dobi si familje."
