Policia e Dibës ka arrestuar një 19-vjeçar, i cili dje aksidentoi për vdekjen një këmbësor në fshatin Suç të bashkisë Klos.
41-vjeçari u përplas për vdekje në rrugën e fshatit Kurdari pak metra larg kishës së fshatit. Përplasja ka qenë e fortë teksa e ka zhvendosur disa metra larg 41-vjeçarin duke e nxjerrë jashtë rrugës dhe si pasojë ka humbur jetën. Automjeti ka lëvizur në kanal përreth 30 metra ku dhe ka ngecur.
Njoftimi i policisë:
Drejtoria Vendore e Policisë Dibër. Në vijim të informacionit të dhënë ditën e djeshme, për një aksident në rrugën dytësore të fshatrave Kurdari-Suç, ju informojmë se, Sektori i Policisë Rrugore ka bërë arrestimin në flagrancë të shtetasit Ergis Selimi, 19 vjeç, banues në fshatin Kurdari, i cili teksa drejtonte një automjet tip "Benz", ka aksidentuar me pasojë vdekjen një 42-vjeçar (këmbësor).
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
