Mark Chavez është mjeku i akuzuar në lidhje me vdekjen e aktorit të “Friends”, Matthew Perry. Ai është deklaruar fajtor për akuzën e komplotit për shpërndarjen e drogës ketamine.
Chavez u shfaq në një gjykatë në Los Angeles të mërkurën për të pranuar fajin e tij. Ai mund të përballet me 10 vjet burg.
Perry u gjet i vdekur në shtëpinë e tij në Los Angeles, në moshën 54 vjeçare. Aktori po merrte ketaminë gjashtë deri në tetë herë në ditë para se të vdiste, sipas dokumenteve të gjykatës.
Avokati i Chavez, Matthew Binninger, tha pas paraqitjes së tij të parë në gjykatë në gusht se ai është “tepër i penduar” dhe “po përpiqet të bëjë gjithçka në fuqinë e tij për të korrigjuar gabimin që ndodhi këtu”.
Pesë persona, përfshirë mjekun, janë akuzuar në lidhje me vdekjen e Perry.
