Joaquin Phoenix ka nxitur së fundmi aludimet se ai mund të jetë i martuar me partnerenn e tij prej kohësh, Rooney Mara.
Gjithçka nisi pasi Phoenix, 49 vjeç, iu referua Marës si "gruaja" e tij gjatë një interviste të fundit në podcast. Duke u shfaqur në podcastin "Talk Easy with Sam Fragoso", Phoenix përmendi rastësisht "gruan" e tij ndërsa diskutoi se si e shkroi fjalimin e tij për pranimin e Oscars 2020, duke vënë në dukje: "E shkrova me ndihmën e mamasë dhe gruas sime".
Ndonëse më vonë ai iu referua aktores me emër, ai u përmbajt nga sqarimi i drejtpërdrejtë i statusit të marrëdhënies së tyre, duke i lënë fansat të pyesin nëse çifti, i njohur për natyrën e tyre private,ishin martuar fshehurazi.
Phoenix dhe Mara janë bashkë prej disa vitesh dhe u fejuan në vitin 2019, por ata gjithmonë kanë mbajtur një profil të ulët në publik. Paraqitjet e tyre në tapetin e kuq janë të rralla dhe zakonisht shmangin diskutimin e marrëdhënies së tyre në intervista.
Duke i shtuar akoma më shumë spekulimet, Rooney u pa duke marrë pjesë në premierën e filmit të fundit të Joaquin, "Joker: Folie à Deux", në fillim të kësaj jave. Ndonëse aktorja ka pozuar e vetme në tapetin e kuq, në dorën e saj të majtë është vënë re një unazë.
