Chris Martin ka disa lajme të këqija për fansat e Coldplay: grupi do të publikojë vetëm dy albume të tjera.
Martin, 47 vjeç, e bëri zbulimin gjatë një interviste me Zane Lowe të Apple Musi një pjesë e së cilës u shfaq për herë të parë të hënën në People. Coldplay, i cili përbëhet nga Jonny Buckland, Guy Berryman, Will Champion, Phil Harvey dhe Martin, do të publikojnë albumin e tyre të dhjetë, "Moon Music", më 4 tetor.
“Është me të vërtetë e rëndësishme që ne të kemi një limit,” u shpreh ai. Marin shpjegoi se grupi është i përqendruar në "përpjekjet për t'u përmirësuar" në vend që të "angazhohen". Dhe megjithëse Coldplay mund të mos prodhojë muzikë të re pas albumit të tyre të dymbëdhjetë, kjo nuk do të thotë që Martin do të ndalojë së krijuari melodi të reja.
Pavarësisht kësaj, Martin tha se grupi ka më shumë gëzim "se kurrë". Arsyet? “Për shkak të plakjes, për shkak të COVID, për shkak të gjithçkaje që ndodh në botë, për shkak të faktit se sa me fat e dimë që jemi, për shkak të vendeve ku duhet të shkojmë, për shkak të optimizmit që na jep të shohim njerëzit që mblidhen së bashku, për shkak të këngëve që vijnë nga askund, sepse ne ecim me një ritëm më të ngadaltë.”
