Aktorjs Maggie Smith e njohur për rolin e profesoreshë Minerva McGonagall në sagën “Harry Potter” ka ndërruar jetë në moshën 89-vjeçare.
Lajmi u konfirmua nga dy fëmijët e saj Toby Stephens dhe Chris Larkin në një deklaratë për BBC.
“Me trishtim të thellë njoftojmë humbjen e damës Maggie Smith. Ajo ndërroi jetë e qetë në spital më herët gjatë këtij mëngjesi (27 shtator 2024). Ajo la pas 2 djem dhe 5 nipër e mbesa të cilët janë të shkatërruar nga humbja e nënës dhe gjyshes së tyre të jashtëzakonshme”, u shprehën djemtë.
Në kohën kur ekskluziviteti përfundoi me "Harry Potter dhe Dhuratat e Vdekjes: Pjesa 2" në 2011, Smith ishte bërë anëtare e kastit të "Downton Abbey". Ajo fitoi tre çmime Emmy duke luajtur Victoria Crawley nga 2010 deri në 2015.
Smith ripërsëriti rolin e saj në "Downton Abbey: A New Era" në 2022, duke i thënë bashkë-yllit Dominic West se kishte në plan të tërhiqej nga ajteimu pas kësaj.
Përpara se të merrte këto role ikonë më vonë në karrierën e saj, aktorja bëri një emër në skenë me shfaqje nga Oxford Playhouse në Broadway.
Karriera e saj lulëzoi gjithashtu në ekran, me Maggie që fitoi dy çmime Oscar dhe tre Golden Globes. Ajo u shfaq në më shumë se 60 filma, duke përfshirë "Sister Act", "Othello" dhe "A Room With a View".
