Ashton Kutcher dhe Mila Kunis thuhet se nuk po ndahen pavarësisht spekulimeve pas arrestimit të mikut të tyre Sean "Diddy" Combs.
Kutcher, 46 vjeç dhe Kunis, 41 vjeç, nuk po i lënë thashethemet të ndikojnë në martesën e tyre nëntëvjeçare, me një burim të brendshëm që i tha People se bisedat e ndarjes janë "absolutisht qesharake dhe të rreme".
Pas arrestimit të Diddy-t, dolën foto të vjetra që tregonin një Kutcher të ri me manjatin e muzikës duke bashkë-organizuar festën vjetore White Party të producentit në 2009.Megjithatë një burim tjetër deklaroi se aktori nuk është përfshirë në asnjë aktivitet të supozuar të paligjshëm.
"Ashton nuk ka asnjë përfshirje në asnjë nga këto. Ai është takuar me Diddy-n vetëm në disa ngjarje asociale të cilat të gjitha janë dokumentuar nga media."
Ashton dhe Mila u takuan në xhirimet e "That '70 Show" në vitin 1998. Kunis mori rolin e Jackie Burkhart, dashuria e personazhit të Kutcher, Michael Kelso kur ajo ishte vetëm 14 vjeç, pasi gënjeu për moshën e saj.
"Ka një thashetheme që qarkullon se unë mund të kem gënjyer për moshën time," pranoi aktorja në vitin 2022. "Do të doja ta bëja shumë të qartë tani që gënjeva.”
"That '70 Show" vazhdoi në Fox deri në vitin 2006. Ndërsa ata luanin si çift në serial, Kutcher dhe Kunis nuk filluan të takoheshin deri në fillim të vitit 2012.
