Prokurori i Përgjithshëm i Venezuelës, Tarek William Schaab, ka bërë të ditur se Caracas ka lëshuar një urdhër ndërkombëtar për arrestimin e presidentit të Argjentinës, Javier Milei.
Kjo masë lidhet me “vjedhjen e një avioni që i përkiste linjës ajrore venezueliane EMTRASUR, një lëvizje që çoi në humbjen e aseteve të rëndësishme venezueliane”.
Përveç Javier Milei, urdhra të ngjashëm u lëshuan kundër sekretares së zyrës presidenciale, Carina Millay, dhe ministres së sigurisë së Argjentinës, Patricia Bullrich.
“Ata vodhën avionin, duke shkatërruar pronën kombëtare të Venezuelës”, tha Schaab në një intervistë me gazetarët venezuelas.
Boeing 747-300M ishte në Aeroportin Ndërkombëtar të Buenos Aires që nga qershori 2022, kur u devijua në Argjentinë për furnizim me karburant për shkak të motit të keq.
Autoritetet argjentinase kanë zbuluar se ky avion është blerë në Iran. Më vonë u bë e ditur se avioni ishte shkatërruar në SHBA. Prokurori pohoi më tej se kombi i Venezuelës është ende i rrethuar nga forcat e huaja dhe për këtë arsye ata po përdorin presidentin e Argjentinës.
