Zayn Malik bëri një paraqitje befasuese në The Tonight Show ku ai njoftoi turneun e tij të parë solo që kur u largua nga One Direction në 2015.
Malik u shfaq duke mbajtur një filxhan kafeje dhe një shënim për Jimmy Fallon. Ky i fundit lexoi shënimin me zë të lartë për audiencën me një theks pothuajse britanik, i cili njoftoi turneun e këngëtarit/kantautorit.
"Hej Jimmy, më bëhet qejfi që të shoh," filloi ai. “Unë do të shkoj në turneun tim të parë këtë vjeshtë."
Të mërkurën, më 18 shtator, muzikanti i "Dusk Till Dawn" njoftoi zyrtarisht turneun e tij "Stairway to the Sky".
"Turni i 11 qyteteve" do të fillojë më 23 tetor në San Francisko dhe duke bërë ndalesa në Las Vegas, Washington dhe në New York.
Më 30 nëntor, Malik më pas do të shkojë në MB për një shfaqje në Edinburgh, me ndalesa në Manchester, Londërpërpara se të përfundojë në dhjetor në Newcastle.
Në maj, Zayn performoi koncertin e tij të parë solo në Shepherd's Bush Empire të Londrës, i cili ishte gjithashtu koncerti i tij i parë që kur u largua nga One Direction.
Gjatë koncertit, ai performoi për herë të parë këngë nga Room Under the Stairs për fansat në një natë që ai e quajti "të paharrueshme" në një postim në Instagram.
Në pamjet e koncertit të kapura nga fansat, artisti i "Pillow Talk" i tha audiencës, "Më mungonte kjo," dhe në një klip që ai ndau vetë, ai falënderoi fansat për "të gjithë dashurinë dhe mbështetjen gjatë viteve".
